Šėts kuods ī skėrts pažīmietė kalbuoms. Anō dabā tonkē nauduo Internetė. Pavīzdiů, lietovē tor „lit“, Lėnkėjuo gīvenontis kašobā (kap ka Lietovuo žemaitē) – „csb“, bavarā – „bar“. Tō kuoda nauduo gana platē: naršīklies nustatītė kuokē kalbā skėrts šrėfts, vartėmu sotrompėnėmā ė t.t. Pats sosėdūriau so tuo kuoda nábovėmo Žemaiťiūs, kumet megenau dėrbtė paprastuos pruogramas vertėma – pasakė, ka nesont kuodů, nie kāp pradietė net vertėma pruojekta. Vieliau kor tik megenau – vėsor tuo patës trūkst – kuoda. Galū galė sekė vikipedėjės pruojekts, kor galiejė pasėdėrbtė laikėna – „bat-smg“. Tumet pamegenau gautė kuoda, bet daug kuo nȧžėnuodams – nȧsiekmingā.
Mėslėnont aple žemaiťiu kalbuos ėšlėkėma, ta tuo kuoda rēks. Tuokė kuoda nȧtor ė bruoliokā latgalē ė naujuos prūsu kalbuos atstuovā. Būktās ėšētom kooperůtës – gė vënībie galībė.