Šius metus Lietovuos Respoblėkas Seims paskelbė tarmiū metās, nes tėik šmuot tarmiū mas torem ir anas rēk puopintė.

Nedėdelė ta Lietova, tačiau kėik šmuot anuo īvairiū tarmiū, šnektū. Lietoviu kalbuos tarmės īr tėkros mūsa tautuos pasididžiavėms. Pasaulie reta tuokiū unikaliū atveju, ka tuoks skrumnos pluots torietom tėik šmuot i, svarbiausē, tuokiū skėrtingu tarmiū, palīgintė nebluogā išlaikītu net iki šiū dėinū.

Mas, Klaipiedas krašta žemaitē, prėgolam vakarū žemaitēms. Vakarū žemaitiu patarmie ī pati skrumniausia iš vėsū žemaitiu. Žemaitėškā rokounontis Klaipiedas krašta gīventuojē savės žemaitēs nelaika, tuo krašta lietovē bova vadėnami lietovninkās. Klaipiedas krašta lietovē dā bova vadėnami būrās a prūsās. Patis savi anėi liub vadintė šišiuonėškēs.

Būtėna puopintė kuožna patarmė a šnekta i šiltėis ruodītė savitoma bei gruoži.

Ištraukas pargoldītas muoksla i švėitėma tėkslās iš tinklalapė www.siluteszinios.lt