Žemaitiu tarmies žuodīns, tīrėmā, komentarā

Ėiškuom Žemaitėjės

Archive for gegužės, 2013

Bendrėnė kalba išrīškiejė be Jabluonskė ītakas

  • Filed under: Citatas
Penktadienis
Geg 31,2013

Jabluonskė negalem laikīt bendrėnės kalbuos sukūriejo tudie, kad uns sava straipsniūsė iemė rokout api pagrindėnė anuos problema, api tarmėnės bazės parinkėma tumet, ka iš esmies tuoji bazė, pagrinds jau bova nulemts: anou tapa vakarū aukštaitiu tarmie.

Tuos tarmies iškėlėms bendrėnės kalbuos pagrindo bova ėlgs procesos. Anon liemė daug aplinkībiu. Tačiau paskutiniuoji aplinkībė, katra galiausē bėngė šion procesa, bova „Aušruos“, „Švėisuos“ i „Varpa“ laikraštē.

„Aušruos“, iš dalėis i „Švėisuos“ laikraštė vėins svarbiausiu kalbuos taisītuoju bova vakarū aukštaitis Petros Kriaučiūns. „Anuo ronko liub būtė taisuomi kai korėi „Aušruos“ straipsnē. Pats karta pri monės skundies, – prisimen K. Grinius, – negalīs nuvīkt i Tilžė i pataisīt „Aušrā“ ronkraštiu. Tēp pat sakies, ka pats pataisės „Švėisuos“ rašini api „Sidabrini graši“.

„Švėisuos“ redaktuorios J. Kriaučiūns – tēp pat vakarū aukštaitis. I šiū dvījū laikraštiu bendradarbē daugiausė bova iš vakarū aukštaitiu tarmies. Ta i daug taisīt nebova rēkala.

Tačiau galutinis sprendėms, nuliemės „Varpa“ kalba, bova 1888 m. birželė 29 d. Marijampuolie īvīkės būrelė lietoviu inteligentu, būsėmūju varpininku, pasitarėms, katras tuo patėis P. Kriaučiūna patarėmo nutarė laikītėis Kuršaitė gramatėkas.

Kū tumet reiškė laikītėis Kuršaitė gramatėkas? Tas reiškė priimt ne tik anuo rašība, bet i fonetėka, morfoluogėjė, vo tou pačio ir anuo tarmė, katra ī ne kas kėta, kap vakarū aukštaitiu pėitiečiu šnekta.

<…> Tūsė laikraščiūsė Kuršaitė gramatėkas nebova nuoseklē laikuomōs, kad gana dažnā liubu prasprūs kėtū tarmiū formu i žuodiu. Tas vėsā natūralo: bendrėnės kalbuos i dialektu santīkē nikumet nebova, nier i nebūs statėški, – anėi vėsumet kint. Šiou atvejo svarbo bendruoji tendencėjė, vo ana išrīškiejė dā prīš Jabluonski i be anuo ītakas.

Ištrauka paimta i pargoldīta iš A. Piruočkėna kningas „Pri bendrėnės kalbuos ištaku“ (1977). 

  • Komentarai išjungti - Bendrėnė kalba išrīškiejė be Jabluonskė ītakas
  • Apklausa: nīkstontės tarmies savībės

    • Filed under: Apklausas
    Pirmadienis
    Geg 13,2013

    Vīkdau apklausa, katro nuorio išsiaiškint, kuokės žemaitiu tarmies savībės smarkiausē nīkst, vo katruos riktingā laikuos i jaunima tarpė. Čė komentarūsė galėt rašīt savībės, katruos nie paminietas mona apklausuo i katras mon rēkietom ītrauktė.

    http://www.manoapklausa.lt/apklausa/460613830/

    Kelamuos i feisboka

    • Filed under: Internetas
    Sekmadienis
    Geg 5,2013

    Svēkė gīvė. Kelamuos i feisboka. Sukūriau šion puslapi tam, ka galietomiem padiskutout paprastās rašības klausėmās, vo jė būs kuoks naus īrašos tinklapie, ta tēpuogi pasidalinsem.

    Diel vėina kėta žuode, diel vėinuos kėtuos raidies a žuodė dalėis. Feisbokė galiesiem api vėsus mažmuožius pasiruodavuot.

    https://www.facebook.com/RokounamuosZemaiteska

  • Komentarai išjungti - Kelamuos i feisboka
  • 2013 m. gegužės mėn.
    P A T K P Š S
    « Bal   Bir »
     12345
    6789101112
    13141516171819
    20212223242526
    2728293031  

    Archyvas

    Gaspaduorē:
    Aurelijus:
    mcr_lietuvoje[eta]hotmail.com
    Arns:
    zordsdavini[eta]gmail.com

    Skaitliukas

    Hey.lt - Nemokamas lankytojų skaitliukas

    FB like box


    Mumis palaika

    Svēkė atvīkė̅ i Vikipedėjė žemaitiu kalbuo

    Dienos akcijos | Dovanos | Nuolaidos
    Uždaryti
    Eiti prie įrankių juostos